Pas Camilës dhe Shawn, një tjetër çift i japin fund lidhjes së tyre

Kaia Gerber dhe Jacob Elordi mësohet se janë ndarë pas një viti lidhje.

Lajmin e ka konfirmuar një burim pranë dyshes për revistën “Us Weekly”. Sipas tyre kjo ndodhi për shkak të mospërputhjes së orareve të tyre.

Thuhet se ata nuk po kalonin shumë kohë së bashku. Megjithatë burimi theksoi se mes tyre nuk ka asnjë hatërmbetje.

Gerber dhe Elordi u lidhën në shtator të vitit 2020. Ata i çuan gjërat në një nivel tjetër po atë muaj, duke pushuar me prindërit e Kaia-s, Cindy Crawford dhe Rande Gerber. Prindërit e Kaia-s e adhuronin Jacob-in dhe mendonin se ai ishe partneri i duhur për të.

Rikujtojmë se ky nuk është çifti i vetëm që janë ndarë. Ditën e djeshme u bë e ditur që Camila Cabello dhe Shawn Mendes i kishin dhënë fund lidhjes pas më shumë se dy vitesh romancë që kishin me njëri-tjetrin.