Qeveria Rama vazhdon përpjekjet e saj për të anashkaluar procedurat e drejta dhe transparente për dhënien sipas ligjeve në fuqi pronat publike të cilat shpallen si zona për zhvillimin e turizmit.
Në mbledhjen e djeshme të qeverisë (18.112021), Këshilli i Ministrave ka marrë një vendim ku shton disa pika në vendimin numër 162 i datës 2016, i cili ka të bëjë me rregullat, procedurat dhe mënyrat e vënies në dispozicion të pasurive të paluajtshme shtetërore në zonat me përparësi zhvillimin e turizmit.
Sipas këtij vendimi, në kreun 1 të këtij ligji, shtohen pikat 4.1 dhe 4.2, ku qeveria heq procedurat e dhënies së pasurive të paluajtshme, duke ia lënë në dorë përzgjedhjen vetëm Komitetit të Investimeve Strategjike, institucion ky që është në varësi të kryeministrit.
“Në rastin e investitorëve strategjikë, sipas ligjit nr.55/2015, “Për investimet strategjike në Republikën e Shqipërisë”, të ndryshuar, nuk zbatohet procedura e përcaktuar në kreun II, të këtij vendimi, për vënien në dispozicion të pasurive të paluajtshme shtetërore, në zonat me përparësi zhvillimin e turizmit. Vënia në dispozicion e këtyre pasurive bëhet, si më poshtë vijon:
a) Komiteti i Investimeve Strategjike (KIS) miraton paraprakisht vënien në dispozicion të pasurive të paluajtshme shtetërore, në zonat me përparësi zhvillimin e turizmit për investitorët strategjikë, si masë mbështetëse për realizimin e investimit, në përputhje me ligjin nr.55/2015, të ndryshuar.
b) Vendimi i KIS-it dhe dokumentacioni shoqërues i përcillen ministrisë përgjegjëse për turizmin nga Agjencia Shqiptare e Zhvillimit të Investimeve.
4.2 Këshilli i Ministrave, me propozim të ministrit përgjegjës për turizmin, miraton vënien në dispozicion të pasurive të paluajtshme shtetërore, sipas pikës 4.1, të kreut I, të këtij vendimi.” – thuhet në vendim.
Procedura numër dy në vendimin numër 162 të vitit 2016, shpjegohet e gjithë procedura që duhet të ndjekin institucionet shtetërore dhe investitorët strategjikë, duke filluar që nga thirrja publike, shpalljen në buletinin e njoftimeve publike, procedura që investitori i nënshtrohet, etj.
Me këto ndryshime, Rama heq rregulloren e njoftimeve për thirrje dhe publikimin në buletinin e njoftimeve publike, ose thënë më thjeshtë, eliminon garën mes investitorëve strategjikë që duan të marrin pronën publike dhe të gjithë procedurat që duhet të përmbushin këto investitorë për të qenë fitues të këtyre pronave.
Pra, ky është një rast tjetër ku shkeljet e ligjeve bëhen me vendime qeverie, që pronat publike të shkojnë tek oligarkët afër qeverisë dhe tek investitorë që i përzgjedh vet Edi Rama.
Gijotina.com
Discussion about this post