Fëmija 10- vjeçar i vë flakën pallatit në Berat, digjet banesa në katin e dytë

Një banesë në katin e dytë të një pallati në Berat është përfshirë nga flakët pasditen e sotme.

Shkak mendohet se është bërë një 10-vjeçar që duke luajtur me shkrepëse dhe çakmak i ka vënë flakën banesës.

Sipas burimeve, në  banesë ndodhej vetëm djali 10-vjeçar me gjyshin, të cilët kanë dalë jashtë të tmerruar.

Zjarri i rënë ka shkaktuar dëme të mëdha materiale në ballkonin dhe një nga dhomat e banesës, ndërkohë që tymi dhe era e keqe është përhapur në të gjithë pallatin.

Theksojmë se ky është rasti i 4 i shënuar në vetëm pak ditë, ku banesat përfshihen nga flakët nga pakujdesia dhe shkaktojnë dëme të mëdha materiale. Përjashtojmë rastin më të rëndë të shënuar tre ditë më parë në fshatin Dropull, ku një çift të moshuarish humbën jetën, si pasojë e zjarrit që përfshiu banesën e tyre.