Kandidati i Partisë Demokratike i dalë nga procesi i primareve për Bashkinë e Elbasanit, Luçiano Boçi është ndalur edhe te skuadra e futbollit të Elbasanit, duke theksuar se duhet të kthehet aty ku e ka vendin, në elitën e Futbollit Shqiptar.
Në një takim me Çapjan, një prej futbollistëve elitarë të Elbasanit, Boçi shprehu shqetësimin e spordashësve elbasanas, se vendimi i bashkisë për të shkrirë gjithë historinë e klubit të Elbasanit që përfshinte edhe gjithë lavdinë e Labinotit të mirënjohur, për të krijuar një klub nga zero është një skandal.
Postimi i plotë:
Elbasani duhet të kthehet aty ku e ka vendin, në elitën e Futbollit Shqiptar ??
Çapja është një prej futbollistëve elitarë që na ka bërë krenarë të gjithëve me paraqitjet e tij me fanellën verdheblu të Elbasanit dhe ekipin kampion të vitit 2006. Ndamë shqetësimin e përbashkët për vendimin skandaloz të Bashkisë Elbasan për të shkrirë gjithë historinë e klubit të Elbasanit që përfshinte edhe gjithë lavdinë e Labinotit të mirënjohur, për të krijuar një klub nga zero. A thua se futbollin e krijuan këta?! Politika duhet t’i mbajë duart larg nga sporti!
Futbollin e bëjnë ata që e duan sportin, jo ata që e përdorin atë.
#BanNdryshimin #BashkëFitojmë?
Discussion about this post