Koalicioni opozitar “Bashkë Fitojmë” do të nisë zyrtarisht fushatën për zgjedhjet vendore të 14 majit, në 15 prill, në orën 12:00 brenda ambienteve të stadiumit “Air Albania” në Tiranë.
Opozita do hyjë në këtë fushatë me sloganin “ndryshimi në duart e tua”, ndërsa përmes një spoti ka ftuar qytetarët të marrin pjesë në mitingun e të shtunës.
Në pamjet e videos dedikuar qytetarëve, koalicioni opozitar është kthyer pas duke rikujtuar gjithë lëvizjen e Rithemelimit deri më sot.
Pikënisja e këtij rrugëtimi është 16 shtatori i 2021, kur Sali Berisha nisi Foltoret me qytetarët.
Momenti i dytë ishte Kuvendi i 11 dhjetorit, ku zbriti në stadium “formacioni i lirisë”, me miratimin e ndryshimeve statutore të PD ku u shkarkua Lulzim Basha dhe u bënë pjesë e statutit primaret, ndërsa më pas vijuan zhvillimet e tjera deri më sot.
https://www.facebook.com/100044133352457/videos/972906300532037/?__so__=watchlist&__rv__=video_home_www_playlist_video_list
Discussion about this post