Ministri i Jashtëm i Greqisë ka rikthyer në vëmendje çështjen e detit me Shqipërinë. Në një intervistë për median ERT, diplomati grek ka paralajmëruar se këtë vit do të ketë zhvillime, ndërsa tha se “pala shqiptare po përgatit të nënshkruara dhe t’i dorëzojë Presidentit një prokurë, në mënyrë që ekipit negociator t’i jepet mundësia për të diskutuar me Greqinë për këtë çështje”.
“Kur do të ndodhë kjo? Këtë duhet ta përcaktojë kryeministri i Shqipërisë, por mendoj se nuk do të jetë shumë vonë”, tha Nikos Dendias.
“Unë besoj në miqësinë greko-shqiptare. Unë besoj se minoriteti grek është një urë lidhëse që lidh dy vendet dhe dua t’ju them se Shqipëria duhet t’i kushtojë vëmendje diçkaje nga pala greke. Shqipëria e ka pranuar absolutisht atë që ne i propozojmë Turqisë, pra një bashkë-premtim të zgjerimit të ujërave territoriale. Shqipëria tha drejtpërdrejt se Greqia mund të zgjerojë ujërat e saj territoriale. Pra, mendoj se duhet pasur kujdes për pozitën e guximshme shqiptare”, tha ndër të tjera Dendias.
Discussion about this post