Gazetari Klodian Tomorri shkruan se kryebashkiaku i Shijakut Elton Arbana nuk i ka paguar tatimet që nga viti 2007 dhe si biznesmen është borxh në shtet.
Në një postim në “Facebook”, teksa ka publikuar dhe listën mes të cilëve renditet Arbana, Tomorri shkruan se shuma e totalit që Arbana ka borxh përmes biznesit të tregtimit të automjeteve nuk dihet ende pasi vetë Tatimet nuk e publikojnë një gjë të tillë duke ruajtur kështu koenfidencialitetin. Aktualisht biznesi i Arbanës është me status të ‘pezulluar’ gjë që ligjërisht nuk lejohet të bëhet pa u mbledhur detyrimet e një subjekti.
“Kryetari i Bashkise se Shijakut, Elton Arbana e ka emrin tek lista e borxhlinjve ndaj Tatimeve. Zoti Arbana rezulton te mos kete paguar detyrimet nga biznesi i tregtimit te automjeteve qe ka zoteruar nga viti 2007. Kur te del emri tek lista e borxhit tatimor do te thote qe detyrimi eshte i natyres perfundimtare dhe ka kaluar te gjitha hallkat e apelimit, perfshire gjykaten. Sa eshte shuma e taksave qe zoti Arbana nuk i ka shlyer shtetit? Kjo nuk dihet se Tatimet fshihen pas konfidencialitetit dhe nuk bejne transparence edhe kur u drejtohesh me kerkese zyrtare.
Por kjo ka pak rendesi. Kryetari i Bashkise se Shijakut, qe kryeministri e cileson si nje kryebashkiak model rezulton se model paska Cetto La Qualunquen qe thoshte: Taksat jane si droga. Po i pagove njehere, pastaj te vjen deshira ti paguash gjithmone. Biznesi i tij sot eshte me status te pezulluar. Tatimet kane lejuar kalimin me status te pezulluar pa mbledhur detyrimet edhe pse ligji i detyron te nisin procedurat e mbledhjes me force. Ligji ne Shqiperi thote se po ke taksa te papaguara perjashtohesh nga tenderat, por mund te zgjidhesh kryetar bashkie. Pra te gjithe te barabarte para ligjit. Vetem se barazia eshte relative. Se desh harrova. Perpara, perpara, por paguani taksat te paktën”, tha Tomori.
Discussion about this post