Sherr në ambientet e një lokali në ish-Bllok, 2 të lënduar

Dy persona janë përfshire në një sherr fizik duke goditur njëri-tjetrin me grushte brenda një lokali, në zonën e Ish-Bllokut në Tiranë.

Ata kanë marrë lëndime dhe aktualisht ndodhen në spital jashtë rrezikut për jetën. Grupi hetimor dhe policia kanë nisur hetimet për të zbardhur motivet e përplasjes.

Njoftimi i policisë

Më datë 17.04.2023, rreth orës 11:20, në ish-Bllok, në një lokal, dyshohet se për motive të dobëta janë konfliktuar me njëri-tjetrin, shtetasit A. R., 35 vjeç, dhe A. D., 40 vjeç.

Si pasojë, të dy janë dëmtuar dhe ndodhen në spital, nën kujdesin e mjekëve.

Grupi hetimor ndodhet në vendngjarje dhe po punon për sqarimin e rrethanave të ngjarjes