Një 46 vjeçar në Sarandë ka rënë në prangat e policisë pasi është kapur duke transportuar emigrantë të paligjshëm, për të kaluar ilegalisht kufirin, kundrejt fitimit.
Finalizohet operacioni policor i koduar “Eleven”. U kap në flagrancë teksa transportonte 11 emigrantë me furgon, për të kaluar ilegalisht kufirin.
Njoftimi i Policisë
Shërbimet e Policisë Kufitare Sarandë, në vijim të punës për goditjen e veprimtarisë kriminale të dhënies ndihmë shtetasve të huaj, kundrejt fitimit, për kalim të paligjshëm të kufirit, me mbështetjen e inteligjencës informative, kanë organizuar dhe finalizuar operacionin policor të koduar “Eleven”.
Në vijim të veprimeve procedurale në kuadër të këtij operacioni, specialistët për Hetimin e Krimeve të Komisariatit të Policisë Sarandë arrestuan shtetasin Gjovalin Shkembi, 46 vjeç, banues në Shkodër.
46-vjeçari u kap në flagrancë nga shërbimet e Policisë Kufitare të Sarandës, teksa transportonte kundrejt fitimit, me një automjet furgon, 11 emigrantë, me qëllim kalimin e paligjshëm të kufirit.
Materialet procedurale i kaluan Prokurorisë pranë Gjykatës së Shkallës së Parë Sarandë, për veprime të mëtejshme, për veprën penale “Ndihma për kalim të paligjshëm të kufijve.
Discussion about this post