Gazetari Artan Hoxha ka komentuar në “Opinion” ngjarjet e fundit kriminale. Hoxha tha se pas ngjarjeve te Don Bosko, por edhe në vendosjen e tritolin e vënë në një banesë sot, mund të qëndrojë grupi i Ervis Martinaj.
Artan Hoxha: Atentati në Don Bosko dhe tritoli në Fresk tregojnë se kemi të bëjmë me një lëvizje të bërë nga grupi i Ervis Martinajt, gjithsesi është një tentativë e dëshpëruar sepse nuk kemi asnjë eliminim. Duket sikur tentojnë të tregojnë se janë këtu. Nuk duhet të çuditemi që këto ngjarje ndodhin, ata dashje pa dashje po na formojnë puzzle-n dhe po bëjnë atë që duhet të bënin agjencitë e zbatimit të ligjit.
Vëllezërit Duka dhe Martinaj kanë qenë ortakë në biznes, ia njohin mirë gjërat njëri-tjetrit. Edhe ngjarja e sotme është në këtë vazhdë. Për mua është një mesazh, nëse nuk vepron policia, do kemi të tjera ngjarje.
Ndoshta më të rënda. Kjo tregon që njëra palë është ende në lojë dhe tjetra kërkon ta godasë. Në rastet e pamundësisë së goditjes nga shteti, ata po e ngacmojnë palën tjetër që të dalë nga strofulla.
Discussion about this post