Dy persona iu afruan dhe…si u vra biznesmeni Nikutaj

Biznesmeni Ardja Nikulaj mbeti sot i vrarë me armë zjarri në biznesin e tij në Shëngjin.

Ngjarja ka ndodhur në lokalin “Coral” në pedonale të Shëngjinit, e cila është në pronësi të viktimës.

Nikulaj është ekzekutuar nga dy persona të paidentifikuar në lokalin e tij në pedonalen e Shëngjinit.

Mësohet se autorët ia janë afruar viktimës duke e qëlluar për vdekje dhe më pas janë larguar me motor nga vendngjarja.

51-vjeçari, garonte në këto zgjedhje për këshillat bashkiakë në Lezhë.

Viktima, rezulton të jetë pronar i disa bizneseve, e një prej tyre është edhe hoteli dhe lokali ‘Coral’ në zonën e Ranës së Hedhun, si dhe është pronar i disa sipërmarrjeve të tjera.

Ardian Nikulaj ka ndërruar mbiemrin pasi në të shkuarën ka pasur atë ‘Marku’. Biznesmeni i njohur në Lezhë, në të shkuarën ka qënë edhe ish-kreu i Aluizni-t e në të shkuarën ka qënë i dënuar për disa vepra penale.

Ai rezulton i dënuar me 4 muaj burg, për prodhim dhe mbajtje të armëve luftarake dhe municioneve dhe për ‘armëmbajtje pa leje’.

Ai ka qenë i dënuar në vitin 2003, dënim të cilin e ka deklaruar edhe në formularin e dekriminalizimit.

Burime bëjnë me dije se deri në vitin 2003 Nikulaj mbante mbiemrin Marku ndërkohë që më pas e kishte ndërruar dhe mbante mbiemrin me të cilin njihen dhe sot.