Kampionati Evropian i Mundjes, Shqipëria në vend të dytë

Mundësi që përfaqëson Shqipërinë, Zelimkhan Abakarov fitoi medalje argjendi në finalen e madhe të Kampionatin Evropian që po zhvillohet në Kroaci.

Abakarov u mund në finale 5-2 në  kategorinë së peshës 61 kg nga armeni Arsen Harutyunyan.

Mundësi kuqezi, u kualifikua në finalen e madhe në Kampionatin Evropian që u zhvillua në Kroaci. Në peshën deri në 61 kilogramë, çeçeni i natyralizuar si shqiptar fitoi sfidat me gjermanin Stechele me rezultatin e thellë 11-0, ukrainasin Markovych 6-2 dhe gjeorgjianin Phartenadze një duel që u mbyll 4-4, por u favorizua nga aksionet e Abakrov.

Ky turne ishte një tjetër mundësi për Zelimkhan Abakarov të marrë medalje, pasi në Botërorin e vitit të kaluar u shpall kampion në peshën deri 57 kilogramë.