Sherfi Mukaj ka humbur kontaktet me familja pa lënë asnjë shenjë që prej 19 ditësh. Dy javë më parë familjarët e 28-vjeçarit kanë denoncuar në polici humbjen e tij, teksa kanë rrëfyer se hera e fundit kur ai është parë, ka qenë në datën 1 nëntor të këtij viti. Ishte një telefonatë nga Shkodra, ku thuhej se kishin parë djalin në një lokal, pas fotos të shpërndarë në media, por nuk rezultoi ashtu. Menjëherë pas kësaj telefonate policia e Konojës në bashkëpunim me atë të Shkodrës kanë nisur kërkimet në zonën ku u njoftua se kanë parë Sherifin, por asnjë gjurmë e tij nuk u gjet në atë vend.
Në bazë të kësaj telefonate në kërkim janë vënë edhe familjarët e tij, të cilët tregojnë se nga kamerat e sigurisë së lokalit ku mendohet të jetë parë djali rezulton se nuk ishte i njëjti person me atë që përshkruante telefonata.
Sakaq, kujtojmë se 28- vjeçari është parë për herë të fundit në datën 1 nëntor në Ersekë ku ka konsumuar kafen me shokët e tij. Familjarët shprehen se 28-vjeçari nuk ka folur me asnjë para se të largohej, ndaj dhe nuk ka informacion se ku mund të ketë ikur. Ngjarja ka ndodhur në fshatin Starje, të Bashkisë Kolonjë. Sherfi Mukaj para se të zhdukej ka lënë makinën dhe sendet e tij personale; kartën e identitet dhe një telefon në shtëpinë e tij ndërsa me vete mbante një tjetër telefon që rezultonte të ishte me sinjal deri në datën 5 nëntor e më pas çdo gjë mbetet enigmë.
Në kërkim të djalit dhe mes ankthit se atij mund t’i ketë ndodhur ndonjë gjë e keqe, babai i 28-vjeçarit të humbu ka kërkuar që të hapen tabulatet telefonike të djalit të tij, në mënyrë që prokuroria të përshpejtojë hetimet për gjetjen e djalit të tij. Ai thekson se ka telefonuar në numrin e djalit të tij të humbur më datë 5 nëntor, teksa sipas tij zilja binte por askush nuk u përgjigj. Nga ana tjetër, policia tregon se kërkimet vazhdojnë, por deri më tani nuk ka asnjë gjurmë që mund të jap indici për vendodhjen e Sherifit.
Discussion about this post