Gazetari Arjan Çani i ftuar në emisionin “Now” në Euronews Albania ka komentuar ngjarjen tragjike të ndodhur në mesditën e kësaj të mërkure në Shëngjin, ku një person i veshur me skafandër dhe jelek fosforishent, hyri në lokalin e Ardian Nikulaj dhe e qëlloi atë për vdekje.
Çani tha se kemi hyrë në një fazë të rrezikshme dhe se në rast se këto ngjarje kriminale do të vazhdojnë deri ditën e zgjedhjeve ka shumë mundësi që qytetarët të abstenojnë, e të mos votojnë. Sipas tij edhe në rast se ngjarje të tilla kriminale nuk kanë lidhje të drejtpërdrejta me zgjedhjet ato shkaktojnë panik te qytetarët.
“Këto ngjarje krijojnë panik. Ajo fotoja që ne pamë me atë që rrinte tre metra larg, e vjehrri që rrinte i ngrirë, është foto e frikshme. Ai e pa vdekjen me sy. Kemi hyrë në një fazë shumë të rrezikshme të rendit në Shqipëri dhe nëse kjo do të vazhdojë deri në 14 maj, minimumi që do krijojë kjo do jetë abstenimi.
Kjo që ndodh nuk ka lidhje me votimin. Por duke e parë nga shtëpia, tjetri çdo thotë, ç’është ky vend, këtu nuk jetohet më. Të neveriten zgjedhjet dhe gjithçka që ka të bëjë me zgjedhjet. Ndërkohë në gjithë botën normale kur ka vrasje zgjedhjet dhe fushata janë një moment i gëzuar”,-tha Arjan Çani.
Discussion about this post