Ish-zv.kryeministri Arben Ahmetaj ka paraqitur rekurs në Gjykatën e Lartë, pas vendimit të Apelit të GJKKO, për sa i përket vendimit për të cilësuar si të ligjshme kontrollet në banesën e bashkëjetueses së tij.
Disa ditë më parë Apeli i Gjykatës së Posaçme ka refuzuar ankimimin e Arben Ahmetajt për kontrollin e banesës së bashkëjetueses së tij.
Rreth një muaj më parë dy vila të ndodhura në pronësi të ish bashkëshortes dhe bashkëjetueses së Ahmetajt, ku u ushtrua edhe kontrolli u vunë nën sekuestro nga Prokuroria e Posaçme.
Njëra prej vilave ndodhet në Hamallaj dhe tjetra në Palasë.
Vendimi i sekuestrimit të dy pronave vjen si rezultat i hetimit të regjistruar nga SPAK për akuzat e korrupsionit, shpërdorimit të detyres, pastrimit të parave dhe mosdeklarimit të pasurisë, për deputetin Ahmetaj.
Discussion about this post