Moderatorja e njohur Arbana Osmani dhe regjizori Eduart Grishaj shpesh tregohen të rezervuar për të ndarë me publikun plane apo momente delikate të jetës së tyre në çift dhe familje. Por së fundmi është zbuluar se dyshja do të kurorëzojnë dashurinë e tyre, në verë në një dasmë që pritet të jetë madhështore pasi thuhet se do të organizohet në brigjet italiane, në Lago di Como.
Në këtë ceremoni nuk do të mungojnë familjarët por edhe personazhe publikë që do të udhëtojnë nga Shqipëria drejt Comos. Sa i takon ahengut siç mëson Kryefjala.com ajo ja ka besuar më të mirëve, Anxhela Peristeri, Bruno dhe Klajdi dhe i ftuar special do të jetë artisti nga Kosova, Yll Limani.
Arbana dhe Eduarti janë prindër të dy fëmijëve, Diellit dhe Zoit, por nuk duhet të harrojmë edhe Jonin djalin e madh të Arbanës që ajo ka nga martesa e saj e parë.
Discussion about this post