Policia e Lezhës ka shoqëruar në komisariat tre persona për videon e publikuar në media një ditë më parë, ku tre persona të armatosur hynë me armë në lokal dhe kontrolluan klientët.
Ngjarja ndodhi në fshatin Zejmen, ku tre të shoqëruarit do të procedohen penalisht për “mos kallëzim krimi” pasi nuk kanë raportuar për ngjarjen.
Nga ana tjetër, policia po vijon punën për identifikimin dhe kapjen e autorëve, të cilët janë shfaqur të armatosur rëndë në video. Për ngjarjen në fjalë ka reaguar edhe deputeti demokrat Ervin Salianji, i cili akuzoi qeverinë se është gjunjëzuar para krimit.
Discussion about this post