Ndërsa e gjithë Tirana është mbusur me posterat e kryeministrit Edi Rama, a thua se po kandidon ky për kryetar bashkie dhe jo Erion Veliaj, foto e të cilit nuk duket asgjëkundi, pavarësisht se shfaqet kudo me veprat e tij të bamirësisë dhe lopatën që nuk e heq kurrë nga dora, edhe opozita nga ana e saj nuk rri duarkryq.
Koalicioni “Bashkë Fitojmë” i është përgjigjur Edi Ramës për posterat denigruese që kërkon të bëjë ndaj Ilir Metës dhe Sali Berishës.
Në disa pika në Tiranë janë vendosur postera të rinj, ku shfaqen ministrat më të ‘suksesshëm’ gjatë qeverisjes së Edi Ramës, apo edhe deputetëve të tij
“Bashkë Fitojmë” ka vendosur disa postera duke ironizuar sloganin e Ramës, ndërsa në foto shfaqen 2 ministrat dhe deputetit të PS të arrestuar, Saimir Tahiri, Lefter Koka dhe Alqio Bllako. Ndërkohë në pjesën e poshtme të fotos janë imazhi i Erion Veliajt, Engjëll Agaçi dhe Arben Ahmetaj.
Shfaqja e këtyre posterave në Tiranë, ka venë alarmin te Rama e Veliaj, të cilët kanë nxjerrë menjëherë në rrugë pastruesit e bashkiesë për të ‘fshirë parullat’ kundër qeverisë.
Discussion about this post