Artistja e njohur, Arilena Ara ka mbajtur një koncert mbrëmjen e së shtunës në Sheshin “Skënderbej”, në Tiranë për të promovuar albumin e saj të ri “Pop Art”.
Arilena për ta shoqëruar në skenë, ftoi edhe dy kolegët e saj me të cilët ka bashkëpunuar edhe në dy projekte muzikore, reperin Noizy dhe këngëtarin shqiptar me famë ndërkombëtare, Gjon’s Tears.
Në një atmosferë madhështore, skenë gjigante e fishekzjarre, në sheshin kryesor në Tiranë u mblodhën qindra fansa të këngëtares për të ndjekur nga afër performancën live të saj.
Në një postim që ka bërë sot, Arilena e ka quajtur koncertin e mbrëmshëm, si nata më e paharrueshme e jetës.
“19 Nëntor, “POP ART” Festival në zemër të Tiranës, nën dritën e hënës me eklipsin më të bukur ndër shekuj! Me bekimin tuaj, ishte mbrëmja më e paharrueshme e jetës sime”, ka shkruar Ara.
Kujtojmë që, në një konferencë të mbajtur për media menjëherë pas koncertit, këngëtarja ka deklaruar se e ftuar për të performuar me të ishte edhe këngëtarja nga Kosova, Dafina Zeqiri, por për shkak të angazhimeve tjera të saj jashtë vendit, ishte e pamundur pjesëmarrja.
Discussion about this post