Skuadra ku luan mesfushori i Kombëtares shqiptare, Klaus Gjasula, Darmstad ka fituar me rezultatin 4-0 ndaj St. Pauli për raundin e 14 të Bundesliga 2.
Ylli ‘Kuqezi’ është kthyer në një prej protagonistëve të kësaj ndeshjeje, duke dhuruar një super asist. Ishte minuta e 29-ë, kur Gjasula që nga mesfusha dhuron një asist, të cilin Manu e dërgoi drejt portës në mënyrë më të bukur të mundshme.
Golat e tjerë për ekipin ku luan futbollisti shqiptarë u shënua nga Teitz në minutën e 6, Pfeiffer në minutën e 39 dhe 41, pra dopietë brenda dy minutave.
Ndeshja u mbyll me këto shifra, pasi pjesa e dytë ishte më e qetë dhe nuk solli gola të tjerë, ndërsa ekipi i Darmstad-it arriti kështu të marrë kryesimin e Bundesliga 2 me pikë të barabarta me ST. Pauli, nga 26 pikë secili./K.T/Gijotina.com
Discussion about this post