Mbledhja e parë e “Bordit të Futbollit të UEFA-s”, një strukturë e re që supozohet të reflektojë për të ardhmen e lojës, është mbajtur të hënën në Nyon të Zvicrës, në selinë e organizmit europian.
Një mori lavdish të dikurshme, duke përfshirë francezët Zinédine Zidane, Patrick Vieira dhe Éric Abidal, por edhe Carlo Ancelotti, Paolo Maldini, Fabio Capello, Ronald Koeman, Michael Laudrup, Rafael Benítez, Jürgen Klinsmann ose Rudi Völler, janë pjesë e saj.
Është një institut “i projektuar për të dhënë një zë institucional, por të pavarur të përvojës dhe ekspertizës në tema themelore që lidhen me futbollin, si ligjet e lojës, arbitrimi, oraret e ndeshjeve, stërvitjet ose shëndeti i lojtarëve”.
Të hënën, për sa i përket arbitrimit, ishte më tepër çështja e VAR-it dhe mënyra e prekjes së topit me duar. Gjithashtu u debatua edhe kalendari i ngjeshur ndërkombëtar, si formati tjetër për garat evropiane midis 2024 dhe 2027 dhe rreziku i tronditjeve.
Discussion about this post