Tre shqiptarë janë arrestuar në Spanjë pasi u kapën në një magazinë që e kishin kthyer në një “qendër” prodhimi kanabisi.
Sipas mediave të huaja, e gjitha nisi nga Komisariati Kombëtar i Orihuelës, pas një hetimi për trafikun e lëndëve narkotike.
Hetimi i kryer i çoi agjentët në një magazinë në një kompleks industrial Cox. Autorët e kishin përshtatur një ambient në zonë të pabanueshme për të kultivuar lëndë narkotike.
Efektivët kishin vënë re lëvizjet e dyshimta në orët e para të mëngjesit si edhe daljen e disa tubave të ventilimit të ajrit, dhe më pas kanë vijuar hetimet që u finalizuan me arrestimin e tre personave.
Discussion about this post