Ajo që vendosni të hidhni në pjatën tuaj çdo ditë mund të rrisë ndjeshëm rrezikun e diabetit të tipit 2, ka zbuluar një studim i ri.
Orizi i bardhë, buka dhe mishi i përpunuar janë ushqimet që kanë më shumë gjasa të shkaktojnë vrasësin e heshtur, thanë studiuesit amerikanë.
Ata shikuan zakonet dietike të njerëzve në 184 vende të ndryshme për të parë se si ushqimi ndikonte në shëndetin e tyre.
Ato kombësi që zakonisht hanin më shumë karbohidrate të rafinuara – si buka e bardhë, brumi i picës, makaronat – e cila përmban sheqer dhe është e zhveshur nga fibrat dhe lëndët ushqyese, kishin më shumë gjasa të zhvillonin tipin 2.
Autori i studimit, Dariush Mozaffarian profesor në Universitetin Tufts tha: “Studimi ynë sugjeron se cilësia e dobët e karbohidrateve është një nxitës kryesor i diabetit të tipit 2 që i atribuohet dietës në mbarë botën.
Njerëzit po hanë gjithashtu shumë mish të kuq dhe të përpunuar, të tilla si proshutë, sallam dhe të ngjashme, tha studimi.
Këto tre ushqime janë nxitësit kryesorë të mbi 14 milionë rasteve të reja të diabetit të tipit 2 në vitin 2018, sipas studimit, i cili u botua së fundmi në revistën Nature Medicine.
Ekspertët vlerësuan se shtatë në çdo dhjetë raste të diabetit të tipit 2 në mbarë botën në vitin 2018 ishin të lidhura me zgjedhje të dobëta ushqimore.
Ata gjithashtu zbuluan se ngrënia e shumë ushqimeve të pashëndetshme ishte më shumë një nxitës i diabetit të tipit 2 në nivel global sesa mungesa e ngrënies së ushqimeve të shëndetshme – veçanërisht për burrat në krahasim me gratë, raporton The Sun.
Mbi 60 për qind e totalit të rasteve globale të sëmundjes që i atribuohen dietës ishin për shkak të marrjes së tepërt të vetëm pesë zakoneve të dëmshme në ushqim: ngrënia e tepërt e orizit të rafinuar, grurit dhe patateve; shumë mish të kuq të përpunuar dhe të papërpunuar.
Pirja e shumë pijeve të ëmbla me sheqer dhe lëngjeve të frutave ishte një tjetër faktor kontribues, por në një masë më të vogël se karbohidratet e këqija dhe mishi i kuq.
Njerëzit në Poloni dhe Rusi, ku dietat përfshijnë shumë patate dhe mish të kuq dhe të përpunuar, kishin përqindjen më të lartë të rasteve të reja të diabetit të tipit 2 të lidhura me dietën.
Amerika Latine dhe Karaibet – veçanërisht në Kolumbi dhe Meksikë – gjithashtu kishin një numër të lartë të rasteve, për të cilat studiuesit thanë se mund të varet nga varësia në pije me sheqer, mish të përpunuar dhe konsum të ulët të drithërave.
Çfarë është diabeti?
Diabeti është një gjendje e rëndë që shfaqet kur niveli i glukozës në trupin tuaj është shumë i lartë.
Ka dy lloje, ndryshimi kryesor është tipi 1 në të trashëguar dhe tipi 2 është i lidhur me zgjedhjet e stilit të jetesës në shumicën e rasteve.
Discussion about this post