Partizani këtë fundjavë u përball me Laçin në ‘Air Albania’ në kërkim të fitores për tu larguar nga zona e rrezikshme e tabelës së Superligës Shqiptare.
Përballja mes Dajës dhe Mirel Josës dhuroi të gjithë spektaklin që pritej, në sfidën që u mbyll me shifrat finale 1-1.
Pjesa e parë foli e gjitha për të ‘kuqtë’ e kryeqytetit, që u hodhën në sulm që në minutat e para me Malën duke tentuar të befasojë kurbinasit nga distanca, por goditja përfundon jashtë portës. Laçi nga ana tjetër rrezikoi me kundërsulmet e herë pas herëshme me Mazrekajn, por grushtimi i portierit Teqja do të largonte rrezikun për Partizanin.
Minuta e 34’ do të shënonte pikën e kthesës në këtë takim, ku Julian Shehu do të gjente golin për Laçin, në penalltinë e fituar pas kontaktit në zonën e rreptësisë mes Mustës dhe Deliut.
Mes tensioneve do të startonte pjesa e dytë, ku trajneri Juxhin Xhaja do të akordonte kartona të verdhë për Rrapajn dhe Deliun pas ‘përplasjes’ mes tyre.
Në minutën e 79’ Tedi Cara do të barazonte shifrat ne fushë, ku falë një goditje standarte arriti të tundë rrjetën e Laçit. Kryesori i ndeshjes duhej të konsultohej me systemin VAR, pasi pozicioni i Carës ishte i dyshimtë, por pak momente më pas e velrëson golin të rregullt, me shifrat finale të takimit që shkojnë në barzimin 1-1.
Pasi ndanë nga një pikë mes tyre në këtë takim, Partizani përmirëson lehtshëm pozitat në renditje, duke kaluar në vendin e shtatë mbi Dinamon, ndërsa Laçi parakalon Teutën edhe pse të dyja skuadrat kanë nga 12 pikë të barabarta.
Discussion about this post