VIDEO/ Meta nga Durrësi: T’i kthejmë historinë dhe të ardhmen

Kreu i PL, Ilir Meta shprehet nga Durrësi se pas fitores në zgjedhjet e 14 majit, opozita do t’i kthejë qytetit identitetin dhe hapësirat e gjelbëra.

Meta shkruan se me votën e tyre qytetarët do t’i rikthejnë Durrësit llogaridhënien dhe do të jenë të mbrojtur nga çdo abuzim që dëmton vlerat e qytetit.

Postimi:

Më 14 maj qytetarët e Durrësit do ndahen njëherë e përgjithmonë nga një model i papërgjegjshëm që vuri dorë mbi trashëgiminë historike dhe identitetin e këtij qyteti dhe hapësirat e gjelbra dhe që ia mori frymën Durrësit.

Qytetarët e Durrësit më 14 maj do t’i kthejnë Durrësit jo vetëm llogaridhënien e të gjithë të zgjedhurve në pushtetin vendor, por mbi të gjitha do të jenë njëherë e përgjithmonë të mbrojtur nga çdo abuzim që ka të bëjë me vlerat e këtij qyteti, por që ka të bëjë dhe me të drejtat e çdo qytetari të Durrësit.

Durrësi jo vetëm që do jetë krenar për historinë e tij, por Durrësit do të ketë të ardhme edhe për rininë e tij.