Ruben Saraiva është autori i vrasjes së biznesmenit shqiptar Ardian Nikulajt në Shëngjin. Portugezi u porosit dhe u financua nga Edmond Haxhia, i cili u kthye nga Anglia pak muaj më parë, duke organizuar të gjithë vrasjen, e duke grumbulluar ‘ekipin’ prej 5 personash, të gjithë nga Britania e Madhe.
Secili prej këtyre personave kishte rolin e caktuar, e një prej tyre informonte për lëvizjet e Nikulajt. Por ja se cilat janë disa nga gabimet që janë bërë nga ‘skuadra’ e Haxhisë, të cilët u munduan që të fshihnin gjurmët, por s’ja dolën dot:
1-Hyrja në mënyrë të rregullt në Shqipëri.
2-Lëvizjet për kontrollin e objektivit u fiksuan nga kamerat.
3-Përdorimi i shpeshtë i telefonave.
4-Blerja e motorit në Shkodër.
5-Biseda në gjuhë të huaj me punonjësin e karburantit.
6-Veshja që u gjet në një banesë në Gjadër.
7-Dokumenti i identifikimit dhe telefoni.
Vrasja e Nikulajt u zbardh një ditë më parë. Policia e Shtetit doli me një deklaratë zyrtare ku njoftoi se gjithçka ishte planifikuar nga vëllezërit Lestakaj, me të cilët Nikulaj ishte në hasmëri që prej vitit 1997. Dyshohet se Lestakajt kishin paguar një skuadër të huajsh për të ardhur për të kryer vrasjen. Sipas të dhënave të PSH-së, në rolin e ekzekutorit ishte portugezi Ruben Saraiva, ndërsa katër britanikë ishin vëzhgues.
Ata janë identifikuar si: Harry Simson, Thomas Mithan, Steven Hunt dhe Harriet Bridgeman. I gjithë ekipi menaxhohej nga Edmond Haxhia, djali i dajës i vëllezërve Lestakaj. Por, deri më tani asnjë prej të përfshirëve nuk janë arrestuar. Të gjithë janë larguar nga Shqipëria dhe nuk dihet destinacioni i tyre. Nga ana tjetër, vetë vëllezërit Lestakaj ndodhen në Britaninë e Madhe.
Discussion about this post