Florian Marku vazhdon i pamposhtur në boks, mbron titullin IBF kundër francezit

Florian Marku ka arritur të marrë fitoren e radhës në IBF për kategorinë ‘walterweight’ duke mposhtur kundërshtrain francez Loricj Luisetto

Në karrierën e tij Marku ka vetëm një barazim, dhe ai është kundër Markus McDonalds, ku përballja u mbyll me rezultatin 76-76, me Markun që i shkakton kundërshtarit knock-down, por gjithsesi juria e vlerësoi në barazim rezulatatin final.

Marku këtë mbrëmje zbriti në ring për tu përballur kundër kundërshtarit Luiseto, me arenën që e gjitha thërriste emrin e Markut ndërsa në sfond ishte kënga e Noizy-t, ‘flas gjuhën e kampionit.’

Ndeshja nisi e gjitha në dominim e 29 vjeçarit shqiptar dhe ajo kulmoi në raundin e pestë, ku Marku kërkon të mposhtë psikologjikisht kundërshtarin, duke hapur duart në kërkim të goditjeve të kundërshtarit.

Raundi i gjashtë do ta gjente sërish Markun duke i dhënë goditje të herë pas herëshme kundërshtarit, që nga ky moment filloi të qëdrojë vetëm në mbrojtje, në pritje të goditjeve të Markut.

Marku gjatë gjithë përballjes tregoi një qëndrueshmëri ku e kishte të gjithë  situatën në kontroll, për tu hedhur në sulm vetëm në fund të raundit të shtatë, ku i gjithë Wembley thëriste emrin e tij.

Fitorja e Markut erdhi pas tetë raundeve të zhvilluar, pas vendimit unanim të gjyqtarëve në favor të shqiptarit.

11 fights
10 wins
6 knockouts

Florian Marku continues to be undefeated.

The Albanian King.

?#FightNightLondon | #Boxxer pic.twitter.com/JMnZ97MSZd

— bet365 (@bet365) November 20, 2021