Prag tragjedie, bie shkëmbi në Torovicë

Një shkëmb është shkëputur pasditen e sotme nga mali në Torovicë dhe ka rënë në afërsi të një zone të banuar që quhet Shkëmbi i Kuq.

Rënia e gurëve nga shpati i malit në Torovicë është një fenomen i vazhdueshëm për shkak të shpyllëzimit të zonës.

Fatmirësisht, sot nuk kishte të lënduar, mirëpo tre vite më parë, rënia e një shkëmbi shkaktoi një tragjedi.

Shkëmbi zuri poshtë një makinë ku po udhëtonin 3 pjesëtarët e një familje, të cilët ndërruan jetë.

Specialistët e gjeologjisë kanë identifikuar disa problematike për të cilat është kërkuar të ndërhyhet, por që nuk është bërë asgjë deri tani.