Killeri portugez Ruben Saraiva i cili vrau me armë zjarri biznesmenin shqiptar Ardian Nikulaj në lokalin e tij në Shëngjin ishte larguar në drejtim të Britanisë së Madhe para shumë vitesh.
Sipas mediave potugeze, atje ai ishte lidhur me mafien shqiptare. Tashmë Saraiva është shpallur në kërkim bashkë me 4 shtetasit britanikë që shërbenin si informatorë dhe Edmond Haxhian i cili dyshohet se ka porositur vrasjen e biznesmenit.
Saraiva kishte udhëtuar në drejtim të Shqipërisë dy muaj më parë dhe kishte tentuar edhe dy herë të tjera të afrohej për të ekzekutuar Nikulajn, por nuk kishte arritur ta realizonte planin e tij.
Në tentativën e fundit ai hyri nga dera e pasme e lokalit në pronësi të viktimës dhe u afrua pranë tij duke e qëlluar me 7 plumba.
Dyshohet se ai është larguar nga Shqipëria në rrugë tokësore duke kaluar përmes Maqedonisë së Veriut për t’u kthyer sërish në Britaninë e Madhe.
Discussion about this post