Liverpool fitoi gjatë pasdites së sotme, në Anfield, duelin e javës së 34-rt, përballë londinezëve të Tottenham, duke u afruar më shumë me zonën Champions.
Sfida mes dy rivaleve për zonën europiane, nisi shumë mirë për vendasit, të cilët realizuan tre gola në 15 minutat e para të lojës. Në të tretën minutë, Jones zhbllokoi sfidën, falë asistimit të Alexander-Arnold.
Dy minuta më vonë, ishte Diaz që realizoi të dytin, duke dhënë përshtypjen se Tottenham do vuante njësoj si në sfidën e kaluar përballë Newcastle. Salah me anë të një penalltie, trefishoi shifrat, duke dërguar në ekstazë popullin “Reds”.
Megjithatë, në fund të pjesës së parë, kryeqytetasit shkurtuan diferencat me anë të Kane.
Në pjesën e dytë, ndodhi e gjithë çmenduria. Në minutën e 77’, Son rihapi sfidën duke realizuar përballë Alisson.
Atëherë kur dukej se Liverpool kishte siguruar tre pikët, Richarlison, barazoi shifrat në tre me tre. Megjithatë, Liverpool, nuk e kishte thënë fjalën e fundit, me Jota që shënoi menjëherë pas rifillimit të lojës golin e fitores.
Me këtë sukses të çmendur me shifrat 4-3, Liverpool shkon në vendin e pestë, në kuotën e 56 pikëve, dy më shumë se Tottenham, e cila nga ana e saj ka luajtur një takim më shumë se djemtë e Klopp. /m.b /gijotina.com
Discussion about this post