Një 34-vjeçar është arrestuar në veri të Shqipërisë, më saktësisht në Vaun e Dejës, për krimin e dhunës në familjes. Keqbërësi, shtetasi N. P. Ka ushtruar dhunë ndaj prindërve të tij. Uniformat blu, me të hyrë në banesën e tij, kanë gjetur një sasi kanabisi në posedim të 34-vjeçarit.
NJOFTIMI I POLICISË:
Ushtroi dhunë ndaj prindërve të tij dhe dëmtoi orenditë shtëpiake, vihet në pranga 34-vjeçari. Gjatë kontrollit fizik, 34-vjeçarit iu gjet një sasi kanabisi. Specialistët për Hetimin e Krimeve të Komisariatit të Policisë Vau i Dejës kanë arrestuar shtetasin N. P., 34 vjeç, pasi ka ushtruar dhunë ndaj prindërve të tij dhe ka dëmtuar orenditë shtëpiake.
Gjatë kontrollit fizik, shërbimet e Policisë i gjetën shtetasit N. P., një sasi të vogël lënde narkotike kanabis, e cila u sekuestrua në cilësinë e provës materiale. Materialet procedurale u referuan në Prokurori, për veprime të mëtejshme.
Discussion about this post