Një prej të arrestuarve për grabitjen në Aeroportin e Rinasit, është liruar për pak kohë nga burgu. Bëhet fjalë për Renaldo Sulajn. Sulaj ka dalë nga institucioni i vuajtjes së dënimit pasi ka marrë pjesë në varrimin e një familjari.
Ai është shoqëruar nga policia nën masa të rrepta sigurie.
Grabitja spektakolare në Rinas, ndodhi mesditën e 9 prillit të 2019. Një makinë pa targa mbi të cilën shkruhej “Hetimi Tatimor” vodhi 4.6 milionë euro që do të transportoheshin drejt Vjenës.
Pasi kryen grabitjen, 4 autorët u larguan me shpejtësi nga dera e pasme e aeroportit. Gjatë largimit pati edhe një shkëmbim zjarri mes autorëve dhe policisë, ku mbeti i vrarë Admir Murataj, i cili njihej si ‘eksperti’ i operacioneve.
Discussion about this post