Situata panademike ka shtuar nevojën e qytetarëve për të blerë më shumë barna dhe kërkesa e lartë ka bërë që farmacitë të përfitojnë dhe të rrisin çmimin e medikamenteve. Ky problem është hasur së fundmi nën Kosovë ku çmimet e ilaçeve po rriten ndjeshëm. Lajmin e ka bërë të ditur kryetari i Odës së Mjekëve të Kosovës, Pleurat Sejdiu. Sejdiu tha se për këtë arsye duhet të kalojë menjëherë Ligji i pagave dhe të bëhet rishikimi i buxhetit para se të aprovohet në Kuvend.
“Normal që nuk është e përballueshme. Po shohim që të gjitha çmimet po rriten. Me siguri që edhe kostoja e materialeve harxhuese rritet automatikisht bie fuqia e buxhetit që është me limituar dhe rezulton me një mungesë dhe automatikisht ata duhet të orientohen në spitale private të cilat prapë e ngrisin çmimin dhe për shkak të kësaj pësojnë pacientët. Dhe në anën tjetër destimulim komplet”, u shpreh ai.
Sipas tij, vetëm në gjashtë muajt e parë të këtij viti mbi 35 mjekë kanë lëshuar nivelin publik dhe kanë filluar punën në privat. “Unë mendoj Ligji i pagave duhet të kalojë dhe menjëherë të bëhet rishikimi i buxhetit para se të aprovohet në kuvend dhe të shikohet stimulimi dhe rregullimi i kësaj çështje. Kemi një fenomen që mbi 35 mjekë vetëm gjashtë muajt e parë kanë lëshuar nivelin publik dhe kanë shkuar në privat. Në QKUK i kemi 50 anesteziologë”, tha Sejdiu. Ndërsa, udhëheqësi i Shoqatës së të Drejtave të Pacientëve në Kosovë (PRAK), Besim Kodra konfirmon se çmimet e larta dhe mungesa e barnave esenciale, janë ankesat më të shpeshta të pacientëve.
Discussion about this post