Familjarët e 8-vjeçarit gjatë protestës së tyre që po vijon në Vlorë, kanë hedhur akuza ndaj shtetit, duke pretenduar se janë mashtruar dhe ende nuk iu është ofruar një asistencë psikologjike. Shqetësim për ta mbeten dhe lajmet e publikuara, të cilat i cilësojnë si jo etike, ndaj duke marrë shkas nga informacionet që qarkullojnë, kërkojnë të dinë të vërtetën e ngjarjes.
“Institucionet nuk kanë marrë masa as për asistencë psikologjike për familjarët dhe kërkojmë drejtësi përsa i përket Mateos. Duam që ai të flasë të tregojë çdo detaj sepse janë publikuar shumë lajme, ndërkohë që jemi prekur dhe po përjetojmë një dramë shumë të madhe. Në media dalin shumë lajme që nuk janë etike. Kështu që ne kërkojmë drejtësinë që të flasë qoftë dhe dikush të futet me incizim dhe të tregojë gjithçka që ka ndodhur.”
Halla e Mateos ka kërkuar nga institucionet që të marrin masa lidhur me familjarët e të ndjerit, të cilët po kalojnë një gjendje mjaft të rënduar psikologjike.
“Institucionet të marrin masa për këtë familje që mos të arrij në një degradim më të madh. Do vazhdojmë deri të në fund. Nuk e kuptoj arsyen se pse ai rri në mbrojtjen. Kërkojmë përgjigje nga të gjithë institucionet.”
Ndërsa nëna e të miturit vjen sërish me kërkesën për varje të autorit.
“Unë dua varje, të dalë të më thotë arsyen. Çfarë të donte të më kërkonte vetëm të mos ma vriste. Unë varje dua. Nuk kemi pasur konflikte,e kam ndihmuar, I kam dhënë për të ngrënë. Na mashtruan nuk e sollën në Vlorë. “- shprehet ajo.
Discussion about this post