Presidenti Volodymyr Zelensky ndodhet sot në Helsinki të Finlandës, ku më pas pritet të mbajë një konferencë për shtyp me homologun e tij Sauli Niinisto.
Kjo është raportuar nga gazeta finlandeze Helsingin Sanomat.
Presidenti i Ukrainës Volodymyr Zelensky ndodhet në Helsinki në një vizitë të mbajtur sekret deri në minutën e fundit.
Pas takimit me Presidentin e Finlandës Sauli Niinistö dhe Petteri Orpo, fitues i zgjedhjeve dhe kryeministri i ardhshëm i Finlandës do të mbajë një konferencë për shtyp në pallatin presidencial.
Më pas Zelensky do të takohet edhe me liderët e tjerë të vendeve nordike, kryeministrin suedez Ulf Kristersson, danezen Mette Fredriksen dhe norvegjezin Jonas Gahr Stõre.
Përditësimet e luftës dhe një diskutim se si vendet nordike mund të vazhdojnë të mbështesin Ukrainën janë në axhendë.
Marrëdhëniet midis Ukrainës, NATO-s dhe Bashkimit Evropian do të diskutohen gjithashtu, sipas transmetuesit publik finlandez Yle. Pas takimit të dytë pritet një konferencë e dytë për shtyp në mbrëmje.
Discussion about this post