Për shkak të situatës jo fortë të mirë të pandemisë, qeveria e Maqedonisë së Veriut ka vendosur të ndërmarrë masa të reja kufizuese. Sipas të dhënave masat e reja do të raportohen ditën e hënë, kur së pari do t’u kërkohet punonjësve të sektorit publik që të kenë në disponim certifikatën e vaksinimit, ose testin negativ çdo dy ditë.
Autoritetet shëndetësore theksojnë se këto masat duhet të zbatohen, ndërsa sindikatat thonë se testimi nuk të paguhet nga punonjësit. Për këto propozim-masa do të bisedohet në mbledhjen e Shtabit të Krizës dhe më pas në qeveri.
Sipas ministrit të Shëndetësisë, Venko Filipçes, masat që i propozon Komisioni, në mënyrë të kombinuar aplikohen kudo nëpër Evropë. Sakaq, bëhet me dije se nuk do të ketë të detyrueshëm, por qytetarëve u lihet opsion ose të tregojnë test negativ PCR, të cilin duhet ta paguajnë vetë, ose të vaksinohen pa pagesë.
Discussion about this post