Klevis Balliu akuzoi kryeministrin Edi Rama se pas të gjitha vjedhjeve dhe tenderave për të grabitur qytetarët, qëndron firma e tij.
“Këta nuk martohen dot pa lejen e Edi Ramës, jo më të bëjnë tendera pa lejen e Edi Ramës. Kemi rastin e inceneratorëve, asnjë nuk funksionon”, tha Balliu në një intervistë për emisionin “Frontline” në News24.
Gjithashtu Balliu ka hedhur akuza edhe ndaj Belinda Ballukut duke shtuar se ka vjedhur paratë në projektin e rrugës së Arbrit dhe sot nuk ka përfunduar.
“Qytetarët këta i bëjnë më të varfër. 10 vite kanë qeverinë 10 vite edhe bashkinë. Kë kanë çuar atje, madam luksin. Belinda Ballukun, ka 85 % të buxhetit të shtetit, ajo ua ka vjedhur të gjitha paratë atyre dhe thotë çdo vit, vitin tjetër vij nga rruga e Arbrit. Nuk ka për t’u bërë ajo rrugë. Aty kanë ndaluar punimet edhe pse ne paguajmë koncensionarin. Paratë i kanë vjedhur me sukses dhe shkojnë edhe sot dhe u thonte vitin tjetër vij nga Rruga Arbrit.
Sakaq ai u ndal edhe tek Arbitrazhi, si edhe tek çështja e Becchettit dhe shembja e “Prestige Resort”, duke shtuar se të gjitha pasojat do t’i vijnë qytetarët shqiptarë.
“Këta do të paguajnë edhe paratë për Becchettin edhe për “Prestige Resort”. Këta do të rrisin taksat, do të ketë rritje me 40 %. Ndaj duhet votuar ndryshimi, nuk ka më kohë për diskutimit, por duhet vepruar me votë. Rakip Suli nuk mund të kërcënojë qytetarët, po i kërcënove Kamza do të jetë në kuzhinë të Surrelit. Sot jemi në fushatë, jemi në takim me qytetarët. Kandidatët tona premtojnë referendume lokale, çështje madhore që duhen pyetur qytetarët. Zgjidhjet urbanistike , nuk mund të vijnë nga lart poshtë”, tha Balliu.
Më tej ai shtoi se në zgjedhjet e 14 majit fitorja në Kukës për PD do të jetë e sigurt.
“Ka 10 vite që flet për Rrugën e Arbrit. Çfarë lidhje ka Belinda Balluku me PS? Pandeli Majkon e kanë fshehur. Votat blihen ditën e fundit tha, një ish-kryeministër…Si mund ta thotë? Votat ne i blejmë ditët e fundit, tha ai. Blihen ditët e fundit. Kështu tha, kujt ia thotë? Mua nuk ma thonë dot. Këto po i blejnë votat, kamionët me karta identiteti mos t’i harrojmë. Këta i bënë të gjitha”, u shpreh ndër të tjera Balliu.
Discussion about this post