Kryetari i Bashkisë Belsh, Arif Tafani, u kujtua tani më në fund që të rikonstruktojë rrugët e amortizuara. Sepse veç investimeve pranë zonës së liqenit, zonat e tjera të qytetit janë në gjendje të mjerueshme. Por, tani që i duhet të sigurojë votat, sepse do të kandidojë për kryetar bashkie Tafani ka hapur një kontratë për të rregulluar rrugët. Bëhet fjalë për tenderin me objekt “Sistemim dhe asfaltim i disa rrugëve të brendshme të fshatrave te Bashkisë Belsh”.
Pra në një kohë kur edhe qyteti ka shumë mangësi, Tafani do të rregullojë dhe sistemojë rrugët në fshatra. Nuk dihet sa do ta realizohet ky projekt, por parashikohet që të shpenzohen 600 milionë lekë për këtë projekt.
Kontrata është publikuar me datë 2 maj në APP, ndërsa shihet se edhe Tafani ka përzgjedhur një firmë e cila nuk është e besueshme në ndërtimin e rrugëve dhe është mësuar të shkelë kontrata. Sipas dokumenteve për këtë projekt kanë paraqitur oferta 16 firma. Por Tafani ka skualifikuar secilën prej tyre me justifikime të ndryshme dhe ia ka dhënë fitoren firmës “Vëllezërve Hysa”.
Ata kanë paraqitur ofertën me vlerë 600 milionë lekë, pa garë fare, duke rrezuar 15 firma të tjera. Çka tregon se fituesi ka qenë i paracaktuar.
Por, në këtë formë janë mesor vëllezërit Hysa të rrëmbejnë tenderë. Edhe pse nuk janë një firmë që mund t’u besohen kaq shumë para. Sepse sikur e kemi cekur herë pas herë kompania “Vëllezërit Hysa” nga Elbasani rezulton një prej sipërmarrjeve private që ka fituar më shumë tenderë publikë gjatë periudhës së qeverisjes së “Rilindjes” së Edi Ramës.
Administratorët e saj, Agron dhe Kujtim Hysa, u arrestuan në fillim të vitit 2018. Pasi Prokuroria e Elbasanit zbuloi se kompania nuk kishin kryer punime në aksin rrugor “Elbasan-Gjinar”, për të cilën ishte angazhuar si nënkontraktor.
Madje në shumë raste ata janë denoncuar nga qytetarët se rrugët që ka ndërtuar kjo firmë janë jashtë standardeve dhe iu dëmtojnë automjetet. Zyrtarët tanë, në vend që të analizojnë këto pika vazhdojnë t’u japin tenderë pa garë.
Lexo edhe:Pazare me ushqimin e ushtarëve/ Alma Tafani denoncon tenderin 1.5 mld lekë të Bledi Çuçit
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post