Kryetari i Partisë së Lirisë Ilir Meta akuzoi kryeministrin Rama dhe drejtuesit aktualë të bashkisë për falimentimin e Kavajës dhe zhveshjen e saj nga institucionet. Gjatë një takimi me banorët, Meta tha se zgjidhja për Kavajën është vota për kandidatin e opozitës Fisnik Qosja. Nga ana tjetër kandidati i opozitës u ndal në një nga angazhimet e tij kryesore për Kavajën, që është ndërtimi i rrugës së bregdetit.
Kreu i Partisë së Lirisë, Ilir Meta ka vijuar turin e tij elektoral në Kavajë, ku zhvilloi një takim me strukturat e partisë dhe banorë të këtij qyteti në të cilin merrte pjesë edhe kandidati i opozitës Fisnik Qosja. Meta akuzoi Edi Ramën për zhveshjen e Kavajës nga institucionet ndërsa theksoi se drejtuesit socialist të bashkisë çuan në falimentimin e Kavajës për shkak të keqmenaxhimit.
Nga ana tjetër kandidati i koalicionit ‘Bashkë Fitojmë’ Fisnik Qosja u ndal në një nga angazhimet e tij kryesore pas fitores më 14 maj, që është ndërtimi i rrugës së bregdetit.
Kreu i Partisë së Lirisë Ilir Meta theksoi se qeveria “Rama” përdori tërmetin për të vjedhur dhe për të marrë pronat e qytetarëve./Syri.net
Discussion about this post