Laçi dhe Erzeni i Shijakut kanë ndalur njëra-tjetrën sot në një barazimin 1-1 në Kurbin, me bardhezinjtë që jo vetëm, nuk e shfrytëzuan faktorin fushë por dukeshin sikur ishin duke e luajtur takimin në Shijak.
Skuadra e Stavri Nicës po ecte më një ritëm mbresëlënës në javët e fundit duke kërcënuar ekipet që kishte më sipër në renditje dhe po rrezikonte seriozisht vendin e tretë të Egnatias.
Pas një supergoli të Bibos në pjesën e parë të ndeshjes, u duk se kjo ecuri e ekipit kurbinas do të vazhdonte edhe sot.
Por shijakasit luajtën më mirë në fraksionin e dytë të lojës duke kërkuar dhe gjetur golin e barazimit me Nonaton.
Të dy palët më pas kërkuan me ngulm edhe golin e fitores, por askush nuk ia doli të gjente rrjetën, duke mbyllur ndeshjen me shenjën “X”./PanoramaSport
LAÇI-ERZENI 1-1
26′ Bibo / 58′ Nonato
Discussion about this post