Sot pritej që të jepej pretenca ndaj ish-ministrit të Mbrojtjes Fatmir Mediu, por se gjyqi është shtyrë.
News 24 raporton se shkak për shtyrjen e gjyqit është bërë mungesa e avokatëve në sallë.
Seanca gjyqësore e radhës është lënë për më datë 24 maj 2023.
Zamira Durda kërkoi sërish sot që të bëhet palë në procesin ndaj Mediut.
Më herët, gjykata ka vendosur që të mos pranojë Durdën si palë. Durda vuri në lëvizje SPAK pasi humbi djalin e mitur në tragjedinë e Gerdecit.
Ish-ministri Mediu akuzohet për shpërdorim detyre të dyfishtë sipas Kodit Penal dhe Kodit Penal Ushtarak.
Discussion about this post