Një peshkarexhë është mbytur natën e kaluar në ujërat e Adriatikut.
Paraprakisht deklarohet se anija e peshkimit u godit nga njëri prej trageteve të linjës Durrës-Bari.
Përplasja shkaktoi çarje të saj, ndërsa 3 peshkatarët, dy durrsakë dhe një egjiptian arritën të braktisin në kohë anijen ‘Eltoni”, që po fundoste në ujë, duke përdorur një zader, mjet i vogël shpëtimi.
Ngjarja ndodhi afër mesnatës në dalje të portit, pranë fenerit, ndërsa alarmi u dha nga familjarë e shqetësuar të peshkatarëve, që ndodheshin në bord, pasi kishin humbur kontaktet me ta.
Një operacion kërkim-shpëtimi u organizua më pas nga autoritetet portuale, duke mundësuar gjetjen dhe nxjerrjen në breg të peshkatarëve të anijes “Eltoni”.
Pasi u shpëtuan nga rreziku i mbytjes, të tre u dërguan për një kontroll shëndetësor në spitalin e Durrësit.
Discussion about this post