Në prag të zgjedhjeve vendore të 14 majit, kandidati i koalicionit “Bashkë Fitojmë” për Bashkinë e Durrësit, Igli Cara, ka ngritur një strukturë të mirëorganizuar për të mbrojtur blerjen e votës nga zyrtarët e lartë shtetërorë.
Kjo lëvizje vjen pasi në javët e fundit ka pasur lëvizje të dyshimta dhe përpjekje nga zyrtarët e partisë në pushtet në të gjithë Durrësin, duke ofruar shuma të mëdha parash në këmbim të votës, në një strategji të pastër manipulimi që përsëritet në prag të çdo fushate zgjedhore.
Informacionet që qarkullojnë se fundmi tregojnë se këto personazhe të njohur në Durrës, të cilët janë skeduluar si persona që në çdo zgjedhje kanë kryer krime zgjedhore, janë vendosur në monitorim të rreptë e të vazhdueshëm nëpërmjet 50 dronave që janë të shpërndara në të gjitha lagjet dhe fshatrat e Bashkisë Durrës.
Të gjendur përballë një reagimi popullor të pashmangshëm zyrtarët shtetërorë në bashkëpunim me këta individë po provojnë me çdo mjet të ndryshojnë vullnetin e qytetarëve të Durrësit, të cilët janë lodhur nga 23 vitet e qeverisjes rilindase të Durrësit dhe do t’i japin ndëshkimin me votë më 14 maj.
Të rinjtë që janë pjesë e stafit të fushatës së Igli Carës kanë dokumentar çdo lëvizje dhe përpjekje për blerje votash këtë javë dhe gjasat janë që do të ruajnë nëpërmjet dronëve të përfolur ditët e fundit deri ditën e votimit lëvizjet e këtyre individëve, që në fakt i njeh jo vetëm i gjithë Durrësi, por edhe e gjithë Shqipëria për shkak të dosjeve të korrupsionit që janë publikuar gjerësisht në media gjatë viteve të fundit.
Të gjitha tentativat për manipulimin e zgjedhjeve do të demaskohen publikisht dhe qytetarët e Durrësit do të njihen shumë shpejt me fytyrat e këtyre individëve përmes provave të pakontestueshme.
Discussion about this post