Pse Shkodra do të votojë për Bardh Spahinë me 14 maj 2023!

Nga Emilia Koliqi

– Sepse Edi Rama është armiku i Veriut të Shqiperisë, ai i urren veriorët njesoj si miku i tij Vuçiç- kosovarët dhe kjo për shkodranët është e kjartë si drita e diellit.

– Sepse Edi Rama e urren 2- fish Shkodrën, sepse është kryeqendra e Veriut, por edhe pse është bastioni i pamposhtur i të djathtës, porta e hyrjes së kulturës perëndimore në Shqipëri prej shekujsh.

– Për këto arsye ai urren njëlloj si demokratët shkodranë edhe socialistët shkodranë. Dhe socialistët si shkodranë, e kanë kuptuar këtë.

– Sepse e gjithë fushata elektorale e ER në Shkodër, është përqendruar, duke përdorur çdo mjet të ligjshëm e të paligjshëm, për të marrë Shkodrën, jo për ta ndihmuar atë, por për ta poshtëruar.

– Sepse ER, 10 vjet kryeminister nuk ka bërë asnjë investim në Shkodër ose per Shkodrën, por vetëm e ka vjedhur atë.

– Sepse ER, që ka arkëtuar rregullisht taksën kryesore kombëtare, TVSH-në, nga qytetarët e Shkodrës, nuk e ka përdorur atë në favor të tyre, por e ka vjedhur ose e ka investuar në jug të Shqipërisë.

– Sepse ER nuk ka hapur asnjë vend pune në Shkoder, por përkundrazi, ka larguar shumë institucione nga Shkodra, duke shkurtuar vende pune, duke larguar shërbimet për shkodranët.

– Sepse ER nuk i kompensoi asnjëherë shkodranët, për përmbytjet e shkaktuara nga shkarkimet e hidrocentraleve.

– Sepse ER do që t’i marrë ujesjellësin shkodranëve e, jo vetëm të pushojë nga puna punonjësit e tij e t’i zëvendësojë me patronazhistë, por t’i marrë njëkohësisht Bashkisë Shkodër edhe taksat lokale, që paguhen në faturën e ujit, duke e kthyer bashkinë në një zyrë në shërbim të qeverisë së tij .

– Sepse Benet Beci, sa ishte në krye te FSHZH-së me Partinë Socialiste, nuk miratoi asnjë investim për Shkodrën, duke zbatuar urdhrat e ER.

– Sepse Benet Beci sa kohë ishte deputet në Parlament e në Komisionin e Ekonomisë nuk foli e nuk votoi asnjëherë në favor të investimeve në Shkodër. (Unë personalisht jam anëtare e Komisionit të Ekonomisë e jam dëshmitare për këtë).

– Sepse ER vetëm gënjen, mashtron dhe as nuk i shkon ndërmend të bëjnë diçka për Shkodrën. Ai asnjëherë nuk e ka pranuar, që duhet t`i ktheje borxhin Shkodrës për vjedhjen pafund, të taksave të paguara nga shkodranët për 10 vjet. Dëshira e tij e vetme është ta poshtërojë Shkodrën e të tallet me shkodranët, edhe ata socialistë.

– Por kjo nuk ka për të ndodhë!

– Shkodra ka patur shumë pushtues, sepse ka qenë gjithmonë e lakmueshme, por pushtuesi më i keq do të ishte ER, sepse të gjithë pushtuesit e kanë vlerësuar Shkodrën, ndërsa ER nuk vlerëson e respekton askënd.

Suksese Bardh Spahisë, Shkodrës e shkodranëve me 14 maj 2023!