Ditën e sotme do të luhen ndeshjet e fundit të raundit të 9 të Superligës shqiptare. Pas Vllaznia-Kastrioti që përfundoi me rezultatin 3-1, Partizani-Laçi që u mbyll në paqe me shifrat 1-1 dhe Teuta-Skënderbeu që u nda me barazimin 2-2, është radha e Dinamo-Egnatia dhe Kukësi-Tirana që të mbyllin ndeshjet e kësaj jave.
‘Blutë’ e kryeqytetit do të ndeshen sot në orën 16:45 me ekipin e Rrogozhinës, në atë që pritet të jetë një ndeshje shumë interesante. Aktualisht Dinamo renditet në vend të 8 me 9 pikë, ndërsa Egnatia në 6 me 10 pikë. Të dyja këto skuadra janë ngritur këtë sezon në Superligë dhe po kërkojnë që të jenë surpriza e këtij kampionatit, ndërsa pritet të bëjnë të pamundurën për 3 pikët.
Ndërsa sfida tjetër, ajo e orën 19:45 mes Kukësit dhe Tiranës po ashtu zgjon shumë interes dhe pritet të jetë shumë e luftuar. Këto dy skuadra kryesojnë tabelën me kryeqytetasit që janë të parët me 20 pikë dhe Verilindorët që mbajnë vendin e dytë me 14 pikë.
‘Bardheblutë’ kërkojnë shkëputje në rrugën drejt titullit ndaj dhe do tentojnë me patjetër fitoren, duke pasur parasysh edhe eliminim nga Kupa e Shqipërisë nga Dinamo, tani të gjitha forcat do të jenë të përqendruara në Superligë.
Teksa nga ana tjetër Kukësi do me patjetër fitoren dhe titullin kampion, ndaj po kërkon që të afrohet sa më shumë te shifrat e Tiranës dhe t’ia marrë kreun.
Megjithatë do të jetë sfida Dinamo-Egnatia që do vendosë renditjen përfundimtare të raundit të 9 edhe për ekipet e tjera, që ndikohen drejt për së drejti nga rezultati i saj./K.T/Gijotina.com
Discussion about this post