Një 29-vjeçar nga Shqipëria është vrarë në Katalonjë. Mediat vendase shkruajnë se i riu është gjetur në një zonë të pyllëzuar. Raportohet se shkak për vdekjen e tij është bërë trafiku i lëndëve narkotike.
Bëhet me dije se ngjarja ka ndodhur në një shtëpi kultivimi pas një përleshje të ndodhur në një plantacion marihuane.
Sipas “El Caso”, hetimi nisi pas një denoncimi që ishte bërë për zhdukjen e 29-vjeçarit nga të afërm të tij.
Policia katalanase gjatë kontrolleve zbuloi një plantacion kanabisi dhe gjithashtu u arrestua një 52-vjeçar, shtetas spanjoll.
Më tej gjatë hetimeve, autoritetet zbuluan edhe vrasjen e të riut, trupi iu gjet në një zonë të pyllëzuar, ndërsa u raportua se kishte plagë dhe se ishte dhunuar për vdekje.
Autori kryesor për vdekjen e shqiptarit deri më tani është 52-vjeçari, pasi i ai e akuzonte të riun se i kishte vjedhur pesë euro. Pas sherrit mes tyre, dyshohet se 52-vjeçari e ka goditur shqiptarin me çekiç në kokë, duke i shkaktuar vdekjen dhe trupin më pas e la në pyll.
Discussion about this post