Nga universiteti i Elbasanit ku Ministrja e Arsimit dhe Sportit Evis Kushi ka marrë pjesë, ka vënë theksin në faktin se përgjegjësia kryesore për uljen e numrit të studentëve që zgjedhin degët e mësuesisë është e universiteteve dhe e programit që ofrohet. Sipas ministres Kushi kriteri i mesatares nuk është arsyeja kryesore e uljes së studentëve.
Nga ana tjetër, Kushi nga universitetet kërkoi të bëjnë një analizë dhe të nxjerrin arsyet e sakta të uljes së numrit të studentëve.
Kushi: Nuk jam dakord që të mos ketë kriter mesatareje për mësuesit, por ka mekanizma të tjerë për të nxitur të rinjtë dhe të rejat për zgjedhjen e programit të mësuesit. Arsyen e rënies së mesatares duhet ta gjejmë të gjithë bashkë, a ofrojmë ne më të mirën?
A ofrojmë programe cilësore? A i kemi shfrytëzuar të gjitha kapacitetet dhe pastaj mesatarja është gjëja e fundit që duhet diskutuar. Duhet të reflektojmë, programet e mësuesisë duhet të nxisin më të mirët sepse ne i kemi parë pasojat në sistem. Mësuesia grumbullonte ata që mbeteshin pa të drejtë studimi nga fakultetet e tjera, nuk duhet të jetë kështu.
Discussion about this post