Goditet kandidati i PS në Bashkinë e Kolonjës Erion Isai gjatë orëve të mbrëmjes nga një simpatizant i PD pranë fshatit Qinam.
Isai ka qenë duke ecur me mjetin e tij kur e kanë ndalur në rrugë dhe është goditur. Nuk ka pasur ndërhyrje nga shoqëruesit e Isait, por është njoftuar policia e cila ka shoqëruar agresorin.
Personi i shoqëruar është identifikuar si Esmerald Kacolli.
Kryebashkiaku ka qenë në Qafëzezë duke u kthyer në banesën e vet, kur kandidati i koalicionit “Bashkë Fitojmë” Ethem Lumani së bashku me disa simpatizantë të opozitës kanë bllokuar rrugën dhe e kanë kërcënuar Isain.
Njeri nga simpatizantët e PD, Esmerald Kacolli, që kishte bllokuar rrugën i është afruar Isait duke e goditur me grusht në fytyrë. Pas kësaj ngjarje mësohet se kryetari i bashkisë Kolonjë ka shkuar në komisariat për të bërë denoncimin përkatës.
Ndërkohë që koalicioni Bashkë Fitojmë ka pasur një tjetër pretendim. Sipas tyre Erion Isai me stafin po kryenin fushatë, dhe ka pasur të dhëna se po shpërndanin edhe lekë.
Sipas tyre Erion Isai ka dalë nga makina, duke provokuar dhe aty ka patur shtyrje dhe kapje me duar mes dy palëve. Bodyguardët e Isait kanë shtyre kandidatin e BF E’them Lumani, po ashtu edhe kryetari i Ps Aldo Xhelili. Edhe nga ana e kandidatit Lumani është bërë denoncim.
Discussion about this post