Korçë, polici tenton të fusë karikatorin me fishekë në burg

Kapet në Korçë punonjësi i policisë në IEVP Drenovë me një karikator pistolete.

Burime bëjnë me dije se polici Etjen Gjata, është ndaluar gjatë kontrollit pasi ka patur karikatorin e pistoletës të mbushur, gati për t’u futur në ambjentet e brendshme të burgut. Ngjarja ka ndodhur gjate paradites.

Mësohet se ky punonjës policie ka lidhje me një të dënuar të sigurisë së lartë. Nuk dihet arsyeja përse ka dashur të fusë karikatorin e pistoletës brenda ambjenteve të burgut. Pritet që rrethanat të zbulohen nga hetimi që do të kryhet për rastin.