Sot shqiptarët po votojnë për 61 kryetarët e rinj të bashkive dhe për Këshillat Bashkiakë. Procesi i votimit nuk mund të mos kishte problematika, ku përveç vështirësive me pajisjet e identifikimit elektronik, probleme ka edhe me bojën e vendosur në gisht, e cila fshihet lehtësisht.
Nëse boja nga gishti i votuesve fshihet shpejt, domethënë që një person mund të votojë disa here. Duke u nisur nga ky fakt reagime kanë ardhur nga gazetarja dhe moderatorja Sonila Meçe, e cila përveç shkrimit për problematikën e ka shoqëruar edhe me një video.
“Pak më parë kolegia Ambrozia Meta pyeti drejtpërdrejtë kryekomisionerin Celibashi nëse mund të bëhet një provë live me bojën identifikuese të votimit, me atë vetë, ose ndonjë punonjës administrate. Sepse në masë po dëshmohet fshirje e saj lehtësisht.
Kryekomisioneri nuk kish votuar vetë, nuk pranoi asnjë nga punonjësit e administratës të ofrohej për provën në ngarkesë.
Të sapo kthyer nga votimi, unë dhe im shoq, ndërsa dëgjonim Ambrozian të këmbëngulte bëmë provën në vetë të parë.
Rezultati duket qartë. Kjo mësymje me çdo lloj forme, nga taktikat e dobëta tek kërcënimet serioze, nga dekurajimi për votime tek problemet serioze të identifikimit biometrik e kanë shndërruar procesin zgjedhor në një tribalizëm të frikshëm vendesh të harruara civilizimi.
Po a nuk mundeshim t’i ngjanim Kosovës në zgjedhje? Shqiptarë more jemi, një gjak e një gen…nuk jemi pra të gjithë fajtorë. Vetëm në një rast, nëse i lejojmë të sillen me ne si “vrasës me liçensë zgjedhjesh”, si moskund. Atëherë i përkasim “Moskundit”,-shkruan ajo krahas videos.
https://www.facebook.com/1460250254/videos/572181135018996/
Një reagim ka ardhur edhe nga analisti Andi Bushati, i cili me një foto të gishtit me bojë, ka theksuar me shkrimin e tij, faktin që nëse boja fshihet mund të votosh disa herë.
“Une e kreva 1 dhe 36. Tani dhe po e fshiva nuk shkoj prape,”-shkruan Bushati.
Discussion about this post